【洞悉孩子的成熟度比一切重要】

 

洞悉孩子的成熟度，給予最適切的教程

這樣孩子自然跟「頑皮」說ByeBye

話說早幾日執房，發現月月房門後面貼左兩幅畫，

月媽又感動起黎，係月月成長嘅痕跡

又大左一點點喇識得自己畫完幅畫、再剪再貼

意味住月月會將鍾意嘅野用畫方式表達出黎，

而且會欣賞自己嘅作品，以貼嘅方式表達自己對作品珍而重之嘅情懷

做左媽媽之後，經常性會莫名其妙地感動，可能所有媽媽都會有同感

作為爸爸媽媽，見到孩子進步係最感恩、最感動嘅事，然而孩子嘅進步跟父母有著好重大嘅關係。

著名心理學家維哥斯基講過成人嘅「鷹架」對孩子認知發展有著重大嘅幫助，

到底咩係「鷹架」?

簡單D黎講就係當小朋友已學嘅知識已經滾瓜爛熟嘅時候，成人可以加入新嘅知識點，以協作者角色讓孩子昇華到另一階段。

以月月用交剪為例

Step 1: 用泥膠交剪剪泥膠 >

Step 2 : 用全膠交剪剪紙 >

Step 3 : 用堅交剪剪紙

當洞悉到月月 Step 1 理解到如何操作把點用時

就到Step 2 ，工具及物料有所改變，難度提升，

到月媽觀察到月月 識得走位、轉紙張、左右手協調用時就跳到Step 3。

所以能夠洞悉孩子的成熟度，給予最適切的教程；

孩子才可與妳一步一步進階。

俾個小Tips 各位爸爸媽媽

其實唔難發現幾時要俾D新野小朋友學，

如果你突然發現小朋友曳左、多左扭計，其實係想話你知！

「我想學新野呀！有冇新野學呀！好悶呀！」

好多時係因為生活上已學嘅知識點都熟透，毫無挑戰性，所以先會出現搗蛋行動攪下新意

睇完呢個分享，記得小朋友曳曳時，

第一件事諗下係咪悶左好耐冇學新野呀！