【建立記憶百子櫃】

 


給多點機會孩子，讓他們學會打開【記憶百子櫃】
圖文不符·毛豆月 2020 🍂秋末
停課期間，月月🧒🏻在家偶爾會無意地講出學校的事。
月月幫恐龍🦖刷牙時：
🧒🏻「6歲就會甩牙，要早晚刷牙呀！」
月月刷牙🦷時，同月媽講：
🧒🏻「媽咪，記得係大臼齒，唔係大舅父呀！」
👩🏻月媽隨即問「老師同你講嫁？」
🧒🏻「係呀！」
😅難怪幾日都有問咩係大舅父（月月無大舅父😂）
由於11月主題係牙齒健康，話題總離不開棚牙🦷😝
月月🧒🏻嘅記憶力唔錯，呢樣野唔會係天生，記憶力絕對係可以訓練出黎。
由細到大，月媽向月月提問時，都會俾較多時間佢諗，大概2-3分鐘左右，呢個過程係俾時間佢打開自己嘅【記憶百子櫃】搵答案，當然等左成3分鐘都無答案我就會提示、或者講一啲關鍵字勾起佢記憶，好讓佢動下腦、搵下邊格百子櫃、再搵出答案。
好簡單解說一下形成記憶嘅過程：
感覺記憶➡️短期記憶➡️長期記憶
感覺記憶出現，透過任何感覺吸引到孩子注意，就能夠係腦裡面開發一格新嘅百子櫃，稱為短期記憶；繼而不斷溫故知新，由【記憶百子櫃】拎返出黎重溫就可以形成長期記憶。
當【記憶百子櫃】愈黎愈多嘅時候，有機會會因為無再打開過而遺忘，所以學得多唔代表學識左或一定記到。而我地係需要俾時間小朋友去思考、搵岩方法打開【記憶百子櫃】。
給爸爸👨🏻👩🏻媽媽的話：
1. 多給予孩子充足的時間去自行思考
2. 切忌等得不耐煩而為小朋友搶答
3. 思考或翻舊記憶係需要策略，
多給予關鍵字，正確方向讓小朋友多思考